WAKIL KELUARGA LELAYU

PENGANTAR

Silahkan lihat pada 'PAMBAGYA HARJA MANTEN'.


WAKIL KELUARGA (LELAYU)

Ass, Wr, Wb
Muqodimah ...
Innalillahi wa ina illaihi roji’un.

Atur pakurmatan:
1. Bpk. Lurah ...  minangka pengayomaning kawula dasih ing tlatah ... , ugi pamong Desa ... (Bp. Kaur ... , ingkang rawuh),
2. Para sesepuh, pinisepuh ingkang pantes pinundhi-pundhi
3. Romo Kyai, Ibu Nyai ingkang dados pandham, pandoming panembah masyarakat ing ....
4. Para alim ulama, para sarjana sujaneng budi ingkang mastuti pepoyaning kautamen
5. Sanak kadang ingkang (tinresnan lan) sinudarsana
6. Sagung pambela sungkawa (takziah, takziyin) ingkang luhur ing budi.

Ngaturaken puji syukur
Ngonjukaken sholawat ..

Sagung para pambela sungkawa (takziyin) ingkang luhur ing budi, keparenga nyuwun palilah, kula ngadeg wonten ngarsa  jenggandika sami, awit  nuhoni dhawuh saking  Bpk/Ibu ...  kinen matur wonten ngarsa panjenengan  sami.
Inggih karana agenging raos dhuhkita, kapedhotan sih  awit sedanipun Bp/Ibu (Kyai/Nyai) ..... sengga panjenenganipun Bp/Ibu ... mboten kedugi matur piyambak, wonten ngarsa jengandika, para pambela sungkawa sami.

1. Sepisan, nadyan kepara kasep, Bpk/Ibu ...  ngaturaken pambagya kasugengan awit rawuh-ipun sagung pambela sungkawa ingkang sampun kepareng merlokaken takziah, nela-aken  raos bela sungkawa lan paring panglipur dhateng sungkawanipun keluarga (sagotrah).

2. Sak estu keluarga Bpk/Ibu ... namung saget ngaturaken agunging panuwun ingkang tanpa pepindhan (tanpa upami) awit pratela-ning raos sih-tresna menika, sinartan panuwunan, mugi Gusti Allah SWT kepareng paring ganjaran awit kesaenan panjenengan sami.

3. Sagungg pambela sungkawa, saestu Bpk/Ibu ... sa-kulawarga nyuwun pangapunten bilih anggenipun nanggapi rawuh panjenengan sami kapenggalih kirang ndadosaken rena-ning (sarju-ning) penggalih, langkung-langkung anggenipn caos palenggahan kirang trep kaliyan kalenggahan Bpk/Ibu wonten ing pemerintahan, kedinasan utawi ing madyaning masyarakat, kepara wonten saperangan ingkang kepeksa lenggah wonten ing gelaran, utawi kepeksa jumeneng awit papan ingkang rupak.  Sak estu kanthi andhap asoring manah, kula nyuwun agunging pangapunten.
Semanten ugi, nyuwun pangapunten awit anggen kula ngaturaken pawarta lelayu kala wau enjang namung sarana nawala ingkang winates, kepara namung dipun torong ing masjid/mushala, utawi sarana HP lan gethok tular saking sanak kadang (bakul sinambi-wara.

4. Para pambela sungkawa ingkang kinurmatan, keparenga kula ngaturaken riwayat singkat Almarhum (mah) ... ,
Almarhum (mah) ... lair tahun ... , sinau wonten ing .... , .... , .... , makarya minangka .... , ing .... ngantos tahun ...
Sak derengipun seda,  Almarhum (mah) ... nandhang gerah .... dinten (sawetawis dinten/ wulan/ tahun), lan sak lebetipun ..... dinten menika opname wonten griya sakit .... .
Sampun kathah pambudidaya saking putra-putra dan para sanak kadang murih Bpk/Ibu ... pinaringan sehat, ewa semanten keparenging Gusti, rikala .... , panjenenganipun kapundhut sowan pangayunan Pada.
Mila ing kalodhangan menika Bp ... ngaturaken panuwun dhateng sedaya sanak kadang ingkang sampun paring pambiyantu awujud bau-suku, penggalihan lan bandha beya ingkang mboten saget dipun kerta-aji.
Almarhum (mah) ... seda nilar garwa .... , putra .... , wayah ..... , buyut ....

6. Almarhum (mah) ... , kaparingan yuswa ... tahun, temtu kathah amal ingkang sampun katindakaken, nanging ugi mboten nama mokal bilih kedunungan lepat lan khilaf  dhateng sesami, pramila nyuwun ikhlasipun para pambela sungkawa paring pangapunten dhateng dosa kalepatanipun Almarhum (mah).
Langkung-langkung ingkang kalebet hak Adam awujud utang piutang, rembag-rembag wigatos utawi prajanjen ingkang dereng dipun rampungaken, mbok bilih wonten, keparenga sesambetan kaliyan ahli waris, insya Allah badhe karampungaken kanthi sak sae-sae-nipun.

7. Layonipun Almarhum (mah) ... , badhe kasare-aken wonten ing makam .... ingkang tebihipun kinten-kinten (udakawis) ..... meter, pramila, kasuwun para pambela sungkawa nyampurnaaken takziahipun dumugi ing palereman pungkasan.  Ewa-dene wonten sesanggeman ingkang mboten saget katilar, kulawarga namung nderekaken sugeng kondur.

8. Keluarga Bp/Ibu ... tasih nyuwun gungan, ing slebetipun 7 dalu kawiwitan kala wau dalu, dhumateng warga .... kasuwun berkahipun maos kalimah toyibah puji lan tahlil ingkang ganjaranipun kakintunaken dhateng Almarhum (mah).
Kanthi makaten insya Allah sedanipun Almarhum (mah) ... katetepNA seda ingkang husnul khotimah, kaapunten dosa kalepatanipun, katampi amal kesaenanipun, lan kaparingan papan ingkang mulya wonten ngarsa dalem Allah SWT.

Mekaten atur kula, wonten duna dungkap-ing atur, nyuwun pangapunten.
Billahi taufiq wal hidayah, wa ridho wal inayah Wass. Wr. wb.