LAMARAN MANTEN

Permintaan ms.Yuni (Situbondo, Jatim) via ms.Wawan (Bagus Wiryawan Wisnu Probo)
Pada hari Jum'at 07 Des 2018 jam 19.00



Lamaran Calon Manten

1. Salam dan Muqadimah
Assalamu'alaikum ...
Alhmandulillah ......

2. Umgkapan Syukur dan Sholawat Nabi
------------------------------------------------------
Bp-Ibu ingkang kula hormati, mangga kula dherek-aken muji syukur wonten Ngarsa Dalem Gusti Allah SWT ingkang sampun paring kanikmatan (kesehatan, ka-bagawaras-an) dhateng kita (kula panjenengan) sami.

Sholawat saha salam mugi katetep-na dhateng junjungan kita, Kanjeng Nabi Muhammad SAW, tumedhak (miwah) garwa putra, wayah, sahabat saha umat-Ipun, kalebet kula panjenengan sami. Mugi-mugi kita sedaya nampi syafaat ing Yaumil Akhir.


3. Inti
--------
Sak derengipun, kepareng-a kula nepangaken, nami ..... , asal saking dhusun ....
Sowan kula pinitados minangka dhuta-saraya saking keluarga Bpk/Ibu ...... (orang tua calon manten kakung: CMK) , kinen marak wonten ngarsanipun Bpk/Ibu ..... (orang tua calon manten putri: CMP) ing dhusun ..... ,

Dene wos-ing gati sowan kula:
======================
Sepisan, ngaturaken salam taklim-ipun Bpk/Ibu ... (CMK) sak brayat, wonten ngarsanipun Bpk/Ibu ... (CMP) sak kulawarga, miwah ngaturaken sungkem-bekti konjuk ngarsanipun para sesepuh lan pini-sepuh ing (dhusun) ... ngriki.

Kaping kalih, sowan kula kadhawuhan nyuwun priksa, menapa sak estu Bpk/Ibu .. (CMP) .. kagungan putri ingkang sesilih Rara ..... , lan menapa ing wekdal menika dereng wonten ingkang mengku, utawi ingkang ngrembag?

---
[Opsi: sampai pada atur ini, boleh dihentikan dulu untuk menerima jawaban dari wakil Bpk/Ibu .. (CMP), baru setelah itu, kemudian dilanjutkan atur berikutnya. Atau, kalau ingin meringkas waktu karena sudah yakin bahwa (CMK) dan (CMP) sudah saling direstui, bisa lanjut atur berikut ini]
---

Kaping tiga, bilih sak estu pun Rara .... menika dereng wonten ingkang mengku, utawi ingkang ngrembag/ nglamar, keparengipun Bpk/Ibu ... (CMK), keng putra putri kula suwun, badhe kadhaupaken kaliyan Bagus .... (CMK).
[Sowan kula, bebasan 'Ngebun-bun enjang, njejawah sonten].

[Opsi-1]
Bilih pun Rara .... sampun kaparingaken, Bpk/Ibu ... (CMK) nyuwun ugung-an, saget-a Rara .... lan Bagus ... menika kadhaupaken/ ka-nikah-aken ing wulan .... , (utawi sak derengipun ... , dsb).

[Opsi-2]
Bilih pun Rara .... sampun kaparingaken, Bpk/Ibu ... (CMK) amung nyumangga-aken, benjang menapa anggenipun badhe ndhaup-aken (nikah-aken) pun Rara .... lan Bagus ... menika.


Kaping sekawan, mbok bilih mangke sedaya rembag sampun gembleng, golog-gilig lan kawawas pepanggihan menika sampun paripurna, keparenga kula lan keluarga (sak rombongan saking dhusun ... ) nyuwun pamit, madal pasilan. Mugi-mugi sedaya sedaya manggih karahayon lan tansah pinayungan Gusti Allah SWT (Ingkang Maha Kuwaos).

Mekaten ingkang dados atur kula.
Nyuwun pangapunten bilih wonten lepat-ing atur,
Wassalamu'alaikum ...


[Opsi]
Kalu pada akhir acara, rombongan (CMK) harus pamit lagi, bisa 'matur' secara singkat:

Kepareng matur wonten ngarsanipun Bpk/Ibu .. (CMP), karana pepanggihan menika sampun kawawas paripurna, lan sedaya rembag sampun jumbuh, pramila keparenga kula nyuwun pamit, mugi Gusti mberkahi kita sami. Nuwun.

-- an20181208_1217--